गायक प्रमोद खरेलको नयाँ गीत ‘परिष्कृत’को म्युजिक भिडिओ सार्वजनिक भएको छ। चन्द्र प्रसाई ‘परिष्कृत’को शब्द र राजेन्द्र सुवेदीको संगीतमा बनेको गीतको म्युजिक भिडिओमा प्रतिशा शर्मा रिजाल र सनीश बर्जाचार्यले अभिनय गरेका छन्।
बि.एन. निराकारको संगीत संयोजनको गीतमा प्रेम र बिछोडको पीडा व्यक्त गरिएको छ। गीतको भिडिओ सजल र सलिल न्यौपानेको अवधारणा र मनिष बशिष्ठको सहयोगमा नेप्स भिजनले निर्माण गरेको हो।
भिडिओमा प्रतिशा र सनीशलाई रचु सुवेदी, विवेक सापकोटा, प्रभात किरण सिग्देल र सुमन्ता घिसिङले अभिनयमा साथ दिएका छन्।
भिडिओ गीतकार प्रसाईको युट्युब च्यानल प्रसाइसन इन्टरटेनमेन्टबाट सार्वजनिक भएको हो। हाल अमेरिकामा रहेका गीतकार परिस्कृत गीत, कविता र गजल लेखनमा सक्रिय छन्।
