सनराइज बैंकले स्थापनाको १५औं वर्ष पूरा गरेको छ।
बैंकले विभिन्न सामाजिक तथा अन्य कार्यक्रमहरू गरी आफ्नो १५औं वार्षिक उत्सव मनाएको बताएको छ।
सोही अवरसमा बैंकले शनिबार साइकल र्याली गरेको छ।
'स्वच्छ वातावरण स्वस्थ जिवन' भन्ने नाराको साथ आयोजित उक्त कार्यक्रम गैरिधारा स्थित सनराइज बैंकको प्रधान कार्यालयबाट सुरू भएको थियो।
र्याली काठमाडौं र ललितपुरका विभिन्न टोल हुँदै पुनः प्रधान कार्यालयमै आएर समापन भएको थियो।
उक्त र्यालीमा ३५० जनाभन्दा बढीको उत्साहपूर्ण सहभागिता रहेको थियो।
उक्त कार्यक्रमले वातावरण संरक्षण र स्वस्थ रूपमा जीवन बाच्नुपर्छ भन्ने सन्देश दिएको बैंकले जानकारी दिएको छ।
यसैगरी, बैंकले आइतबार रक्तदान कार्यक्रम समेत गरेको छ।
बैंकले ८ लाखभन्दा बढी ग्राहकलाई १३९ वटा शाखा, ९७ वटा शाखा रहित बैंकिङ, १३ वटा एक्सटेन्सन काउन्टर र १५९ वटा एटिएमबाट बैंकिङ सेवा प्रधान गर्दै आएको छ।