नबिल बैंक र म्याक्स हेल्थकेयर इण्डियाबीच सम्झौता भएको छ।
नबिल बैंकको डेबिट, क्रेडिट तथा प्रिपेड कार्ड होल्डरले उक्त हेल्थकेयरमा उपचार गराउँदा १२ प्रतिशत छुट पाउने गरी सम्झौता भएको हो।
नबिलका ग्राहकहरूले ओपिडी र आइपिडी सेवा लिँदा यो सुविधा पाउने बैंकले बताएको छ।
नबिल बैंकका सिइओ ज्ञानेन्द्र ढुगांना र म्याक्स हेल्थ केयरको तर्फबाट अनस अब्दुल वाजिद, वरिष्ठ निर्देशक–मुख्य बिक्री र मार्केटिङ अधिकृतले संयुक्त रूपमा उक्त सम्झौतापत्रमा हस्ताक्षर गरेका हुन्।
यस सम्झौतासँगै बैंकका ग्राहकहरू तथा कर्मचारीहरूले अस्पतालका विभिन्न सेवा तथा सुविधाहरूमा छुट पाउने भएको हुन्।
कार्यक्रममा नबिल बैंकका सिइओ ज्ञानेन्द्र ढुंगानाले यो सम्झौताले नबिल बैंकका ग्राहकहरू लाभान्वित हुने बताए।
कार्यक्रममा बोल्दै वाजिदले म्याक्स हेल्थ केयरको भारतमा रहेको १७ वटा सेवाप्रदायक शाखाहरूबाट जटिल रोगहरू जस्तै मृगौला, लिभर, बोन म्यारोको प्रत्यारोपन, मुटुको शल्यकृया सफलतापूर्वक गरेको बताउँदै नेपाली जनताहरूले पाउने सेवामा ढुक्क हुन आग्रह गरे।
अस्पतालको सेवा लिन कुनै पनि झन्झट नहुने बताउँदै बिरामीहरूलाई गुणस्तरीय सेवा प्र्रदान गर्नेमा उनले सँधै तत्पर रहने जनाए।
नबिल बैंकले उक्त कार्यक्रममा 'दक्षिण एशियामा उदयमान स्वास्थ्य समस्याहरू' विषयक छलफल गराएको थियो ।
शुक्रराज ट्रोपिकल तथा सरुवा रोग अस्पतालका चिकित्सक र क्लिनिकल रिसर्च युनिट प्रमुख डा. शेरबहादुर पुन र डा. सन्दीप बुिद्धराजा, वरिष्ठ चिकित्सक–इन्स्टिच्युट अफ इन्टरनल मेडिसिन, म्याक्स हेल्थ केयर इण्डियाले प्यानलमा बोल्दै दक्षिण एशियाको स्वास्थ्यको अवस्थामा सुधार गर्न मानिसहरू सजग रहनु जरुरी रहेको बताए।
