माघको लागि निक्षेपको ब्याजदर घटाएका बैंकहरूको कर्जाको ब्याजदर भने थप केही बढ्ने देखिएको छ।
बैंकहरूले प्रकाशित गरेको आधार दरमा वृद्धि देखिएकोले कर्जाको ब्याजदर समेत बढ्न सक्ने देखिएको हो।
बैंकहरूले प्रकाशित गरेको चालु आर्थिक वर्ष २०७९/८० को दोस्रो त्रैमासिक रिपोर्ट र वेबसाइटमा अद्यावधिक गरेको आधार दर असोज मसान्तसम्मको औसतभन्दा पुस मसान्तसम्ममा आइपुग्दा बढेको छ।
समग्रमा बैंकहरूको गत साउनदेखि असोज मसान्तसम्ममा औसत आधार दर १०.०२ प्रतिशत रहेकोमा कात्तिकदेखि पुससम्मको यस्तो औसत भने १०.७५ प्रतिशत रहेको छ। राष्ट्र बैंकको निर्देशन अनुसार बैंकहरूले कायम ऋणीको ब्याजदर परिर्वतन गर्न एउटा त्रैमासिक अवधि (तीन महिना) भरीको औसत आधार दरको अनुसार परिवर्तन गर्न पाउनेछन्। नयाँ ऋणीको हकमा भने मासिक आधार दरको आधारमा नै कर्जाको ब्याजदर तय गर्न पाउँछन्।
सिभिल बैंकको कातिकदेखि पुससम्मको औसत आधार दर सबैभन्दा धेरै छ। बैंकको यो अवधिको औसत आधार दर ११.७३ प्रतिशत छ। बैंकले कर्जामा अधिकतम ६ प्रतिशत प्रिमियम दर लाग्ने सूचना निकालेको थियो। यस आधारमा यस बैंकको कर्जाको ब्याजदर अधिकतम १७.१४ प्रतिशतसम्म पुग्ने भएको छ।
तर, वाणिज्य बैंकहरूमै भने माछापुच्छ्रे बैंकबाट कर्जा लिनेले सबैभन्दा धेरै ब्याजदर व्यहोर्न पर्ने देखिन्छ।
बैंकको कातिकदेखि पुससम्मको औसत आधारदर ११.२३ प्रतिशत छ। बैंकले आधार दरमा अधिकतम ६ प्रतिशतसम्म प्रिमियम लिनेछ। बैंकबाट कर्जा लिनेले अधिकतम १८.७३ प्रतिशतसम्म ब्याजदर तिर्नुपर्ने देखिन्छ।
राष्ट्रिय वाणिज्य बैंकबाट कर्जा लिनेलाई भने सबैभन्दा कम ब्याजदर लाग्ने भएको छ। बैंकको कातिकदेखि पुससम्मको औसत आधारदर ९.२९ प्रतिशत छ। बैंकले आधार दरमा अधिकतम ६ प्रतिशतसम्म प्रिमियम लिनेछ। बैंकबाट कर्जा लिनेले अधिकतम १५.२९ प्रतिशतसम्म ब्याजदर तिर्नुपर्ने देखिन्छ।
| | औसत आधार दर | प्रिमियम थप | कर्जाको अधिकतम ब्याजदर |
| | पुससम्म | असोजसम्म | | |
| प्रभु बैंक | 11.14 | 9.85 | 6 | 17.14 |
| सिभिल बैंक | 11.73 | 11.09 | 6 | 17.73 |
| नबिल बैंक | 10.1 | 9.45 | 6 | 16.1 |
| सिटिजन्स बैंक | 11.3 | 10.82 | 6 | 17.3 |
| स्ट्याण्डर्ड चार्टर्ड बैंक | 9.67 | | | 9.67 |
| एभरेष्ट बैंक | 9.97 | 9.3 | 6 | 15.97 |
| कृषि विकास | 11.06 | 9.34 | 5 | 16.06 |
| सानिमा बैंक | 10.72 | 10.03 | 6 | 16.72 |
| एनएमबी | 10.68 | 10.15 | 6 | 16.68 |
| नेपाल एसबिआई | 10.75 | 10.22 | 6 | 16.75 |
| हिमालयन बैंक | 10.86 | 10.42 | 5 | 15.86 |
| लक्ष्मी बैंक | 11.37 | 10.33 | 6 | 17.37 |
| माछापुच्छ्रे | 11.23 | 10.36 | 7.5 | 18.73 |
| प्राइम कमर्सियल | 11.24 | 10.67 | 6 | 17.24 |
| सनराइज बैंक | 11.62 | 10.72 | 6 | 17.62 |
| राष्ट्रिय वाणिज्य बैंक | 9.29 | 8.33 | 6 | 15.29 |
| ग्लोबल आइएमई | 10.8 | 10.19 | 6 | 16.8 |
| एनआइसी एसिया | 11.02 | 10.34 | 6 | 17.02 |
| सिद्धार्थ बैंक | 10.71 | 9.93 | 6 | 16.71 |
| नेपाल बैंक | 9.9 | 8.92 | 6 | 15.9 |
