हेराल्ड कलेज काठमाडौंले भव्य रूपमा वार्षिक दीक्षान्त समारोह सम्पन्न गरेको छ। समारोहमार्फत कलेजका नौ सय ३ जना विद्यार्थी दिक्षित भएका छन्।
दीक्षितमध्ये ६ सय ९७ जना कम्प्यूटर विज्ञान ५२ जना इन्टरनेशनल बिजनेश म्यानेजमेन्ट र दुई सय ६ जना आइएमबिए स्नातकोत्तर तहका विद्यार्थी रहेका कलेजले जनाएको छ।
कार्यक्रममा यो वर्ष पनि इनोभेट नेपाल ग्रुप (आईएनजि) द्वारा प्रदान गरिने प्रतिष्ठित पोस्टग्राजुएट स्कलरसीप वितरण गरिएको थियो।
स्कलरसीप बिएससिका विद्यार्थी सक्षम शर्मालाई प्रदान गरिएको हो। शर्मा अब इस्लिङ्टन कलेजमा आफ्नो स्नातकोत्तर अध्ययन जारी राख्ने छन्। साथै, उनीलाई आईएनजी अन्तर्गतका संस्थामध्ये कुनै एकमा रोजगारीको अवसर पनि उपलब्ध गराइनेछ।
समारोहमा प्रमुख सम्बोधन राख्दै इनोभेट नेपाल ग्रुपका संस्थापक तथा अध्यक्ष सुलभ बुढाथोकीले हेराल्ड कलेजका स्नातकहरू सरकारी तथा निजी क्षेत्रका प्रतिष्ठित संस्थामा उत्कृष्ट रूपमा कार्यरत रहेको बताए।
बेलायती विश्वविद्यालयको डिग्रीले विद्यार्थीलाई विश्वस्तरीय प्रतिस्पर्धी बनाएको उल्लेख गर्दै उनले, 'यो शैक्षिक वातावरणले विद्यार्थीमा स्वअध्ययन र अनुसन्धान गर्ने संस्कृतिलाई सबल बनाएको छ।'
कलेजका अनुसार दीक्षान्त समारोह विद्यार्थीहरूको शैक्षिक यात्राको महत्वपूर्ण मोडका रूपमा मनाइएको हो।
-1746009348.jpg)
