तुलसीपुर–सितलपुर सडकखण्डको जस्पुरमा ट्रकको ठक्करबाट एक जना पैदल यात्रुको मृत्यु भएको छ।
तुलसीपुर उपमहानगरपालिका वडा नं. ११ जस्पुर निवासी ५७ वर्षीय जुद्धबहादुर केसीको मृत्यु भएको जस्पुर प्रहरी चौकीका प्रमुख नयाँराम कार्कीले जानकारी दिए।
बाँकेबाट राप्ती लोकमार्गको तुलसीपुर हुँदै रोल्पा सिमेन्ट उद्योगको लागि कोइला लगेर जाँदै गरेको रा १ ख १५६७ नम्बरको ट्रकले केसीलाई मंगलबार दिउँसो सवा चार बजेतिर ठक्कर दिएको थियो।
केसीलाई राप्ती अञ्चल अस्पताल पुर्याए लगत्तै चिकित्सकले मृत घोषणा गरेका थिए।
