दाङमा भएको ट्रयाक्टर दुर्घटनामा चालकको मृत्यु भएको छ।
दुर्घटनामा परी बंगलाचुली गाउँपालिका वडा नं. ४ फाँटा निवासी ३० वर्षीय थर्कमान घर्तीको घटनास्थलमै मृत्यु भएको ईलाका प्रहरी कार्यालय कमिरेचौरका प्रमुख प्रहरी प्रहरी नायब निरीक्षक बुद्धिप्रसाद राणाले जानकारी दिए।
राणाका अनुसार गएराति १० बजेतिर फाँटादेखि फुरुङक्षेत्रतर्फ जाँदै गरेको रा १ त २६४९ नम्बरको ट्रयाक्टर दुर्घटना हुँदा घर्तीको घटनास्थलमै मृत्यु भएको थियो।
ट्रलीबिनाको उक्त ट्रयाक्टर उकालोमा ब्याक भएपछि ब्रेक फेल भएर दुर्घटनामा परेको प्रहरीले बताएको छ। ट्रयाक्टर झन्डै २० मिटर तल खोल्सामा खसेको छ।
घर्तीको शव पोष्टमार्टमको लागि राप्ती उपक्षेत्रीय अस्पताल घोराहीमा सोमबार बिहान पठाइएको प्रहरीले जानकारी दिएको छ ।
