दाङको तुलसीपुर बजार क्षेत्रमा एकै दिन चार वटा घरमा चोरी भएको छ।
मंगलबार राति तुलसीपुर उपमहानगरपालिका वडा नं. ६ रजौरा निवासी केशर वली र पिंकी गुप्ताको घरमा चोरी भएको हो।
वलीको घरबाट ३५ हजार नगद र २४ आना सुनको गरगहाना, गुप्ताको घरबाट ४० हजार नगद, ११ आना सुन र केही चाँदीका गरगहना चोरी भएको ईलाका प्रहरी कार्यालय तुलसीपुरले जानकारी दिएको छ।
त्यस्तै, सोही ठाउँकै तुलसीराम बस्नेतको घरबाट १ तोला १५ आना सुनका गरगहना, ९ हजार नगद र रजौराकै डम्मरबहादुर वलीको घरबाट ११ आना सुनका गरगहना, २० हजार नगद र एउटा मोबाइल चोरी भएको प्रहरीले जानकारी दिएको छ।
घटनाबारे प्रहरीले अनुसन्धान गरिरहेको जनाएको छ।
