स्याङ्जाको वालिङमा यात्रुबाहक जीप दुर्घटना भएको छ।
सिख्रेबाट वालिङतर्फ जाँदै गरेको ग २ प ३०२६ नम्बरको जीप दुर्घटना भएको स्याङ्जा प्रहरी प्रवक्ता डिएसपी रवीन्द्र खनालले जानकारी दिए।
उनका अनुसार जीपमा १८ देखि २० जना सवार थिए।
वालिङ नगरपालिका–१४ पंचमुलमा सडकबाट ५ सय मिटर तल खसेको डिएसपी खनालले जानकारी दिए। दुर्घटनाबाट भएको क्षतिको विवरण भने आउन बाँकी छ।
‘दुर्घटनास्थलमा प्रहरी टोली जाँदैछ,’ डिएसपी खनालले भने, ‘क्षतिको विवरण आइसकेको छैन।’
निर्वाचनका दिन जीपले मतदाता बोकेको हुन सक्ने प्रहरीको आशंका छ।