मकवानपुरको बकैयामा भिरबाट एक्कासि ढुंगा खसेर लाग्दा एक जनाको मृत्यु भएको छ।
जिल्ला प्रहरी कार्यालय मकवानपुरका अनुसार बकैया गाउँपालिका- ६, सानोज्यामिरे बस्ने हिरालाल थिङकी अन्दाजी ८ वर्षीया छोरी सुस्मा थिङको मृत्यु भएको हो।
बिहीबार साँझ अन्दाजी ५:२० बजे सुस्मा स्कुलबाट घरतर्फ फर्किँदै गर्दा बाटोमा एक्कासि माथि भिरबाट ढुंगा खसेर लागेको थियो। उनको शव घरमा राखिएको खबर पाएपछि शुक्रबार प्रहरी पुगेको थियो।
घटनाबारे थप अनुसन्धान भइरहेको प्रहरीले जनाएको छ।
