मुगुमा बोलेरो जिप दुर्घटना हुँदा एक जनाको मृत्यु भएको छ।
बुधबार सोरु गाउँपालिकाबाट सदरमुकाम गमगढी आउँदै गरेको ग १ ज ६४३७ नम्बरको जिप बान्जा भन्ने ठाउँमा दुर्घटनामा परेको हो।
दुर्घटनमा परी जिपका साहु सोरु गाउँपालिका–३ का ४५ वर्षीय नरबहादुर गुमीको मृत्यु भएको जिल्ला प्रहरी कार्यालय मुगुले जनाएको छ।
उक्त जिप उनी आफैले चलाएको मुगुका प्रहरी प्रमुख डिएसपी वीरेन्द्र थापाले बताए। उनका अनुसार जिपमा अरू यात्रु थिएनन्।
जिप सडकदेखि करिब डेढ सय मिटर तल खसेको उनले जानकारी दिए। मृतकको पोष्टमर्टमका लागि चिकित्सकको टोली घटनास्थलमै गइरहेको डिएसपी थापाले बताए।
