रामेछापमा गाडी दुर्घटना हुँदा पाँच जनाको मृत्यु भएको छ।
शुक्रबार दिउँसो साढे २ बजे रामेछापको गोकुलगंगा गाउँपालिका वडा नम्बर ६ सिमलडाँडामा ना १ ज ७१२३ नम्बरको गाडी दुर्घटना हुँदा पाँच जनाको मृत्यु भएको जिल्ला प्रहरी कार्यालय रामेछापका निमित्त प्रवक्ता इन्स्पेक्टर विक्रम खड्काले जानकारी दिए।
उनकाअनुसार दुर्घटनामा मृत्यु हुनेमा वडा नम्बर ४ का अध्यक्षसहित पाँच जना छन्। अरू चार जनाको पहिचान खुल्न बाँकी छ।
दुर्घटनामा तीन जना घाइते भएका छन्। उनीहरूको अवस्था मध्यम रहेको पनि इन्स्पेक्टर खड्काले जानकारी दिए।
घाइतेहरूलाई जिल्ला अस्पताल मन्थली पठाइएको छ।
गाडी आफै अनियन्त्रित भएर सडकबाट तीन सय मिटर तल खसेको प्रहरीले जनाएको छ।
