अछाममा असईले आफैमाथि गोली चलाएका छन्।
तुर्माखाद गाउँपालिका–६ भैरवस्थान प्रहरी चौकीमा कार्यरत ४५ वर्षीय प्रहरी सहायक निरीक्षक (असई) किसन चन्दले आफैमाथि गोली चलाएका हुन्।
बिहीबार राति सवा नौ बजे उनले आफैमाथि गोली चलाएका थिए। उनको छातीको बायाँपट्टी माथिल्लो भागमा गोली लागेको छ।
घाइते अवस्थामा रहेका उनलाई रातिनै सुर्खेतमा उपचारका लागि लगिएको थियो।
जिल्ला प्रहरी कार्यालय अछामका डिएसपी ईश्वरीप्रसाद भण्डारीका अनुसार सुर्खेतमा उपचार हुन नसकेपछि उनलाई नेपालगन्ज मेडिकल कलेजमा लगिएको छ।
चन्दले आफैले नै आफूमाथि गोली चलाएको बयान दिएका छन्।
यद्यपि घटना कसरी भयो भन्नेबारे जिल्ला प्रहरी कार्यालय अछामले छानबिन समिति गठन गरेर अनुसन्धान गरिरहेको छ।
