काठमाडौंमा फुटसल खेलेर आराम गरेका बेला बेहोस भएका पुरूषको उपचार क्रममा मृत्यु भएको छ।
मृतक २३ वर्षीय खिमराज वली हुन्। दोलखा स्थायी घर भएका उनी काँडाघारी बस्थे।
शनिबार पौने ६ बजेतिर काठमाडौंको जडिबुटीमा फुटसल खेलेर आराम गरिरहेका बेला उनी अचानक बेहोस भएका थिए।
उनलाई भाइ प्रदिपले बानेश्वरस्थित सिभिल अस्पताल पुर्याएका थिए।
त्यहाँ उपचार क्रममा साँझ सवा ६ बजे खिमराजको मृत्यु भएको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
घटनाबारे प्रहरीले थप अनुसन्धान अघि बढाएको छ।
-1746009348.jpg)
