नारायणघाट-मुग्लिन सडकखण्डमा गुडिरहेको कारमाथि ढुंगा खसेको छ।
आइतबार दिउँसो उक्त सडक खण्डको तुइनखोला पुल नजिक सडकमा गुडिरहेको भारतीय नम्बर प्लेटको कारमा ढुंगा खसेको हो।
जिल्ला ट्राफिक प्रहरी कार्यालय चितवनका इन्स्पेक्टर गायत्रीराज शर्माका अनुसार ढुंगा खसेर उक्त कारको अगाडिको सिसा फुटेको छ।
कार चालक भारतको आग्रा बस्ने ४२ वर्षीय रतेन्द्र यादव, ३३ वर्षीय हर्मोन यादव र ३५ वर्षीय हितेन्द्र यादव घाइते भएका छन्। उनीहरुको मुग्लिनस्थित मेडिकलमा उपचार भइरहेको छ।
घटनास्थलमा रहेको कार हटाउने प्रयास भइरहेको छ।
सडक डिभिजन भरतपुरले उक्त बाटो भएर यात्रा गर्दा सतर्क रहन भनेको छ।
-1746009348.jpg)
