मोरङमा १२ वर्षीया बालिकाको हत्या गरेको आरोपमा प्रहरीले एक जनालाई पक्राउ गरेको छ।
लेटाङ नगरपालिका-२ बस्ने अंशु असोज २१ गतेदेखि बेपत्ता भएका थिए। उनको शव १८ दिनपछि कात्तिक ७ गते लेटाङ-२ कै बेलबारी चिसाङ सामुदायिक वन जंगलभित्र फेला परेको थियो।
शव पहिचान हुन नसक्ने अवस्थामा फेला परेको हो।
त्यहाँ भएका कपडा, हाफ पाइन्ट, चप्पल र घडीको आधारमा अंशुको सनाखत गरिएको थियो।
उनको हत्या गरेको अभियोगमा परहरीले छिमेकी ५८ वर्षीय पदमबहादुर अधिकारी पक्राउ परेका हुन्।
उनले ती बालिकालाई विभिन्न प्रलोभन देखाएर घरबाट अन्दाजी ४.५ मिटर टाढा जंगलमा लगेका थिए। त्यहाँ लगेर हसियाँले घाँटीमा प्रहार गरी हत्या गरेका थिए।
अनुसन्धान गर्नका लागि केन्द्रीय अनुसन्धान ब्युरो (सिआइबी), कोशी प्रदेश प्रहरी कार्यालय र जिल्ला प्रहरी कार्यालय मोरङबाट संयुक्त टोली खटिएको हो।
यसरी अनुसन्धान गरी आइतबार पक्राउ परेका पदमबहादुरलाई सार्वजनिक गरेको हो।
-1746009348.jpg)
