पाँच खेलको टी-२० सिरिजअन्तर्गत घरेलु टोली अस्ट्रेलियामाथि भारतले होबार्टमा आइतबार पाँच विकेटको जित निकालेको छ।
भारतको जितसँगै सिरिज बराबरी भएको छ। पहिलो खेल वर्षाले रद्द हुँदा दोस्रो खेलमा अस्ट्रेलिया विजयी भएको थियो।
अस्ट्रेलियाले दिएको १८७ रनको लक्ष्य भारतले ५ विकेटको क्षतिमा ९ बल खेल्न बाँकी छदा पूरा गर्यो। भारतका लागि वासिङटन सुन्दरले २३ बलमा ३ चौका र ४ चौकाको मद्दतमा नटआउट ४९ रन जोडे भने जितेश शर्माले १३ बलमा नटआउट २२ रन बनाए।
अभिषेक शर्माले १६ बलमा २५ रन, सूर्यकुमार यादवले ११ बलमा २४ रन, तिलक बर्माले २६ बलमा २९ रन बनाए।
बलिङमा अस्ट्रेलियाका नाथन इल्सले ३ विकेट लिए।
त्यसअघि टस जितेको भारतले फिल्डिङ रोजेपछि पहिले ब्याटिङ गरेको अस्ट्रेलियाले ६ विकेटको क्षतिमा १८६ रन बनायो।
अस्ट्रेलियाको ब्याटिङमा टिम डबिडले ३८ बलमा ७४ रन र मार्कस इस्टोइनिस ३९ बलमा ६४ बनाए।
बलिङमा भारतका अर्शदिप सिंहले ३ विकेट लिए। चार ओभरमा ३५ रन दिएका उनी प्लेयर अफ दि म्याच भए।
-1746009348.jpg)
