१७ औं संस्करणको युरोकपमा स्पेन, इटाली र स्वीट्जरल्याण्डले विजयी सुरूवात गरेको छ।
गएराति स्पेनले क्रोयशियालाई ३-० गोलले, इटालीले अल्बानियालाई २-१ गोलले र स्वीट्जरल्याण्डले हंगेरीलाई ३-१ गोलले पराजित गरेको हो।
क्रोयशियाविरूद्ध जित निकाल्ने क्रममा अल्भारो मोराटा, फ्याबियन रूइज र ड्यानी कार्भाजलले गोल गरे।
अल्बानियाविरूद्ध इटालीका अलेसान्द्रो बास्तोनी र निकोलो बरेलाले गोल गरे। अल्बानियाका नदिम बजरामीले एक गोल फर्काए।
हंगेरीविरूद्ध जित निकाल्ने क्रममा स्वीट्जरल्याण्डका क्वाडो डुआ, मिचेल एबिसर र ब्रील इम्बोलोले गोल गरे।
हंगेरीका बर्नबास भर्गाले एक गोल फर्काए।
युरोकपको उद्घाटन खेलमा जर्मनीले स्कटल्याण्डलाई ५-१ गोलले पराजित गरेको थियो।
आज पोल्याण्ड र नेदरल्याड्स, स्लोभेनिया र डेनमार्क तथा सर्बिया र इंग्ल्याण्ड खेल्दैछन्।
समूह ए: जर्मनी, स्कटल्याण्ड, हंगेरी र स्वीट्जरल्याण्ड
समूह ‘बी’: स्पेन, क्रोयशिया, इटाली र अल्बानिया
समूह ‘सी’: स्लोभेनिया, डेनमार्क, सर्बिया र इंग्ल्याण्ड
समूह ‘डी’: पोल्याण्ड, नेदरल्याण्ड्स, अष्ट्रिया र फ्रान्स
समूह ‘इ’ : बेल्जियम, स्लोभाकिया, रोमानिया र युक्रेन
समूह ‘एफ’: टर्किए, जर्जिया, पोर्चुगल र चेक रिपब्लिक
