दक्षिण अमेरिकाको सबैभन्दा ठूलो फुटबल प्रतियोगिता कोपा अमेरिका आजदेखि सुरू भएको छ।
कोपा अमेरिकाका यसपालि संयुक्त राज्य अमेरिकाले आयोजना गरेको हो।
प्रतियोगिताको पहिलो खेलमा साविक विजेता अर्जेन्टिना र क्यानडा खेलिरहेका छन्।
खेलको पहिलो हाफमा दुवै टोलीबाट गोल हुन सकेको छैन।
प्रतियोगितामा यसपटक दक्षिण अमेरिकाका १० टिम र उत्तर अमेरिकाका ६ टिम गरी कुल १६ टिमबीच प्रतिस्पर्धा हुनेछ।
प्रतियोगिता अमेरिकाको १४ शहरमा जुन २० र जुलाइ १४ सम्म हुँदैछ। प्रतियोगितामा चार समूहमा प्रतिस्पर्धा हुनेछ।
समूह ‘ए’मा अर्जेन्टिना, पेरु, चिली र क्यानडा छन्। समूह ‘बी’मा मेक्सिको, इक्वेइडर, भेनेजुएला र जमैका छ।
समूह सी मा अमेरिका, उरुग्वे, पानामा र बोलिभिया छन् भने समूह ‘डी’मा ब्राजिल, कोलम्बिया, पाराग्वे र कोष्टारिका छन्।
समूह चरणका खेलपछि जुलाई पाँचदेखि क्वाटरफाइनलका खेलहरू हुनेछन्।
जुलाई १० देखि सेमिफाइनल र जुलाई १५ मा फाइनल खेल हुनेछ।
