युरोकपमा पोर्चुगल जर्जियासँग स्तब्ध भएको छ।
गएराति भेल्टिन्स एरेनामा भएको खेलमा पोर्चुगल जर्जियासँग ०-२ गोलले पराजित भएको हो।
समूह चरणमा यसअघि दुवै खेल जितेको पोर्चुगल अन्तिम खेलमा पराजित भएको हो।
पोर्चुगललाई पराजित गरेको खेलमा जर्जियाका ख्विचा क्वारात्सेलिया र जर्जेस मिकउतात्जेले गोल गरे।
खेलको दोस्रो मिनेटमा ख्विचाले गोल गरी पोर्चुगलमाथि अग्रता लिएका थिए।
५७ औं मिनेटमा जर्जियाले पाएको पेनाल्टीलाई जर्जेसले सदुपयोग गरे।
जर्जियासँग पराजित भएपनि पोर्चुगल युरोकपको अन्तिम १६ मा पुगेको छ।
समूह एफ बाट पोर्चुगलसँगै टर्किए पनि अन्तिम १६ मा पुगेको छ।
गएराति नै भएको खेलमा चेक रिपब्लिकलाई २-१ गोलले पराजित गर्दै टर्किएले अन्तिम १६ मा आफ्नो स्थान पक्का गरेको हो।
जर्जियाले तेस्रो स्थानको उत्कृष्ठ चार टिममा पर्दै अन्तिम १६ मा पुग्ने सम्भावना यथावत राखेको छ।
उक्त समूहबाट चेक रिपब्लिक बाहिरिएको छ।
