जर्मनी युरोकपको क्वाटरफाइनल प्रवेश गरेको छ।
शनिबार राति सिग्नल इडुना पार्कमा डेनमार्कलाई पराजित गर्दै जर्मनीले क्वाटरफाइनल यात्रा तय गरेको हो।
क्वाटरफाइनल प्रवेश गर्ने क्रममा जर्मनीले डेनमार्कलाई २-० गोलले पराजित गर्यो। दुवै गोल दोस्रो हाफमा भएको हो।
५३ औं मिनेटमा जर्मनीले पेनाल्टी पाउँदा काइ हार्भेत्जले सदुपयोग गरे।
६८ औं मिनेटमा जमल मुशियालाले जर्मनीका लागि निर्णायक गोल गरे।
जर्मनी समूह ‘ए’को विजेता बनेर नक आउट चरणमा प्रवेश गरेको थियो।
उक्त समूहबाट उपविजेता बनेर नक आउट प्रवेश गरेको स्वीटजरल्याण्ड पनि क्वाटरफाइनलमा पुगेको छ।
उसले इटालीलाई पराजित गरी क्वाटरफाइलन यात्रा तय गरेको हो।
