नवौ संस्करणको आईपीएल अन्तर्गत चौथो खेलमा घरेलु टोलै रोयल च्यालेन्जर्स बैंगलौरले हैदराबादलाई ४५ रनले हराउँदै विजयी सुरूआत गरेको छ।
टस हारेर पहिले ब्याटिङ गरेको बैंगलोरले निर्धारित २० ओभरको खेलमा ४ विकेट गुमाउँदै २२७ रन बनायो। उसका लागि डीविलियर्सले सर्वाधिक ८२ रन, विराट कोहलीले ७५ रन , शेन वाट्सर्न १९ रन बनाए। क्रिश गेल १ रन बनाएर आउट भए।
यस्तै सर्फराख खानले ३५ रन बनाए भने केदार जादब ८ रनमा अभिजित रहे।
ओपनर विराट कोहलीले तेस्रो नम्बरमा आएका डीविलियर्ससँग मिलेर १६३ रनको महत्वपूर्ण साझेदारी गरे।
दुबै खेलाडीले शानदार प्रदर्शन गर्दै अर्धशतक जोडे तर भारतीय अण्डर-१९ का खेलाडी सरफराज खानले बिस्फोटक ब्याटिङ गर्दै सबैको दिल जितेका छन्। सरफराजले १० बलमा ५ चौका र २ छक्कासहित ३५ रन बनाए।
प्रतियोगितामा सबैले स्टार ब्याट्म्यान कोहली, डीविलियर्स, शेन वाट्सर्न, गेलभन्दा उनले खेलेको खेलको प्रशंसा गरे।
