स्थानीय निकायमा ५० प्रतिशत महिला सहभागिता हुनुपर्ने व्यवस्थालाई कार्यान्वयनमा ल्याउनुपर्नेमा जोड दिइएको छ ।
नयाँ शक्ति नेपाल निकट ‘महिला तथा बालबालिका हिंसा शून्य सहनशीलता हेल्प डेस्क’ र पुनःसंरचना नेपालको आयोजनामा आज यहाँ भएको अन्तक्र्रियामा विभिन्न क्षेत्रका महिलाले राजनीतिक पार्टीहरुले महिला सहभागितालाई आफ्नो चुनावी घोषणापत्रमा उल्लेख गर्ने तर व्यवहारमा कार्यान्वयन नगर्ने प्रवृत्तिको विरोध गरे ।
नयाँ शक्तिका नेत्री हिसिला यमीले आफ्नो पार्टीले समृद्ध समाज निर्माणका लागि आर्थिक समानता हुनुपर्छ भन्ने मुद्दा उठाइरहेको जानकारी दिँदै महिलालाई आर्थिक रुपमा सशक्त बनाउनुपर्ने बताए।
महिला हिंसालाई सार्वजनिक चासोका रुपमा उठाउनुपर्ने बताउँदै उनले भनिन्, ‘सामन्ती संरचनाले महिलालाई व्यक्तिका रुपमा भन्दा पनि कसैकी श्रीमती, छोरीका रुपमा मात्र चित्रण गरेको छ ।’
राष्ट्रिय महिला आयोगका कार्यबाहक अध्यक्ष मनु हुमागार्इंले विभिन्न सामाजिक मूल्यमान्यताका कारण महिला समानता कार्यान्वयनमा आउन नसकेको बताइन्।
नयाँ शक्ति क्षेत्र नं ३ का संयोजक बलावती शर्माले नीति निर्माण तहमा ३३ प्रतिशत महिला सहभागिताको कुरा उठाए पनि राजनीतिक दलले नै त्यसलाई कार्यान्वयनमा नल्याएको आरोप लगाइन्। रासस
