म्याग्दीमा बोलेरो जीप दुर्घटना हुँदा ५ जनाको मृत्यु भएको छ। पश्चिम दरवाङ्गदेखि निस्कोट तर्फ गइरहेको ग १ ज ५१०६ नम्बरको बोलेरो जीप सोमबार दिउँसो दुर्घटनामा परेको म्याग्दीका प्रमुख जिल्ला अधिकारी केशबराज आचार्यले बताए। जीप अपरान्ह ४ बजे निस्कोट गाविस-४ भलाविसौनास्थित सडकबाट करीब एक सय मिटर तल मिटर खसेको थियो।
पाँच जनाको घटनास्थलमै मृत्यु भएको र पाँच जना घाइतेलाई उपचारका लागि एम्बुलेन्समा राखेर बेनी ल्याउँदै गरिएको प्रहरी नायब उपरीक्षक विश्वराज खड्काले बताए।
मृतक र घाइतेको पहिचान खुलेको छैन। घाइते हुनेमा तीन जना महिला र दुई जना पुरुष छन्। स्थानीय बासिन्दाले दुर्घटनाको जानकारी गराएपछि इलाका प्रहरी कार्यालय दरबाङबाट प्रहरी टोली घटनास्थल पुगेर शव सङ्कलन तथा उद्धार गर्न सुरु गरेको छ।
घटनास्थलको प्रकृति हेर्दा घुम्तीमा जिप घुमाउन नसकेर पछाडितिर करिब १०० मिटर तल खसेको घटनास्थलमा रहेका स्थानीय बासिन्दा घनबहादुर पुनले जानकारी दिए। मृत्युहुनेमा निस्कोट, ४ की भोमती विक, सोही गाविस, ६ की सुनमायाँ विक, दिलसरी विक र ताकम गाविस, ८ घर भएका चालक मनबहादुर छन्त्याल रहेका छन । मृतक मध्य एक महिलाको सनाखत भएको छैन ।
घाइते हुनेमा निस्कोट-८ कि सविना विक, निस्कोट-८ का सविन गोतामे, निस्कोट-२ का तुलमान पुन, उनकी श्रीमती भुमिका पुन र ६ महिनाकी छोरी रहेका छन ।
घटनास्थल सदरमुकमा बेनीबाट करिब ३० किलोमिटर पश्चिममा पर्छ।
