महानगरीय अपराध महाशाखाले एक महिनादेखि मलेसियाको थुनामा रहेर अलपत्र रहेका ६ जना युवाको उद्धार गरेको छ।
रौतहट चपुरका निलबहादुर राई, पाँचथर राँकेका बुद्धबिर तामाङ, यमबहादुर ओली, ओखलढुंगाका अनुप दाहाल, भक्तपुर ठिमीका बिनोद तामाङ, दोलखा तारेभिरका नरसङ तामाङलाई उद्धार गरिएको एसएसपी खनालले बताए।
नेपालबाट मलेसियास्थित हाइटमार्क कम्पनीमा क्लिनरको काममा रोजगारको सिलसिलामा गएकोमा अन्य कम्पनीमा काम लगाई दुख पाएकाहरुलाई नेपाली दूतावासको समन्वयमा उद्दार गरिएको एसएसपी खनालले बताए।
अध्यागमन कार्यालयबाट समेत पक्राउ परी उनीहरु करिव १ महिनादेखि थुनामा रही अलपत्र अवस्थामा परेका थिए। महाशाखाको हटलाईन नम्बर ११७७ मा उनीहरुले फोन गरी जानकारी गराएपछि उद्दार गरिएको खनालले बताए।
