नेकपा माओवादी केन्द्रको बैठक पार्टी मुख्यालय पेरिसडाँडामा नअट्ने भएपछी पार्टी प्यालेसमा बस्दैछ।
एमाओवादी र मोहन वैद्य समूहका राम बहादुर थापा समूह लगायत १० वटा कम्युनिष्ट घटक मिलेर गत साता पुष्पकमल दाहाल ‘प्रचण्ड’को नेतृत्वमा नेकपा माओवादी केन्द्र गठन भएको थियो।
पार्टीको बैठक पुरानो बानेश्वरस्थित अनुपम फुडल्याण्ड पार्टी प्यालेसमा बस्ने पार्टीका केन्द्रीय समिति सदस्यले बताए।
उक्त पार्टीमा ६९९ जना केन्द्रीय सदस्य रहने सहमति छ। अहिले ५९९ जना नियुक्ति भइसकेका छन भने आगामी बैठकले थप १०० जना केन्द्रीय सदस्य छान्ने छ।
पूर्वएमाओवादीबाट कस-कसलाई केन्द्रीय सदस्य बनाउने भन्नेबारे चर्को विवाद छ। पार्टीबाट फुटेर गएका जुनियर कार्यकर्ता एकता भएपछि केन्द्रीय समितिमा परेको तर आफू भने नपरेको धेरैको गुनासो छ।
आजदेखि सुरू भएको केन्द्रीय समितिको बैठकले थप १०० जना केन्द्रिय सदस्य नियुक्ति गर्ने बाहेक पार्टीको कार्य बिभाजन गर्ने छ, र सचिवालयको गठन गर्नेछ।
वरियता क्रममा प्रचण्ड पहिलो, नारायणकाजी श्रेष्ठ दोस्रो र बादल तेस्रोमा रहने छन। चौथो बरियता क्रममा कृष्णबहादुर महरा कि देव गुरूङ भन्नेमा केही विवाद छ।
