दाङको देउखुरीमा एक वृद्ध महिलाको खोलामा डुबेर मृत्यु भएको छ।
लमही नगरपालिका–४ वनकट्टा निवासी ६५ वर्षीया नमादेवी खत्रीको सोही ठाउँको कौडिया खोला तर्ने क्रममा बुधबार बेलुकी डुबेर मृत्यु भएको हो।
घरबाट माइतीघर लमही नगरपालिका–४ कान्तिपुरमा जाँदै गर्दा लमही नगरपालिका–३ को बीचमा पर्ने कौडिया खोलाको भेलले बगाएको अवस्थामा मृतावस्थामा फेला पारिएको प्रहरीले बताएको छ।
शवको लमहीस्थिति प्राथमिक स्वास्थ्य केन्द्रमा पोस्टमार्टम गरी परिवारको जिम्मा लगाइएको प्राथमिक स्वास्थ्य केन्द्रका चिकित्सक ईश्वरीप्रसाद खनालले जानकारी दिए। रासस
