उरुग्वेलाई हराउँदै भेनेजुएला कोपा अमेरिका फुटबलको क्वाटरफाइनल प्रवेश गरेको छ। तर, लगातार दोस्रो हारसँगै उरुग्वे भने समूह चरणबाटै लगभग बाहिरिने पक्का भएको छ।
अमेरिकाको फिलाडेल्फियामा शुक्रवार बिहान भएको खेलमा उरुग्वेलाई १–० ले पराजित गर्दै भेनेजुएला क्वाटरफाइनल प्रवेश गरेको हो।
भेनेजुएलाका लागि खेलको ३६ औं मिनेटमा जोसे सालमोन रोन्डोनले गरेको गोल नै निर्णायक सावित भयो।
दुई खेलमा दुवैमा जित हात परेको भेनेजुएला ६ अंक जोड्दै समूह सीको शीर्ष स्थानमा छ भने उरुग्वे समूहको पुछारमा छ।
