मध्यपुर नगरपालिकाद्वारा सञ्चालित कोरिया नेपाल मैत्री अस्पताल मध्यपुरथिमिमा चारदिने निःशुल्क प्लास्टिक शल्यक्रिया शिविर सम्पन्न भएको छ ।
दक्षिण कोरियाको रोज क्लब संस्थाको सहकार्यमा सञ्चालित शिविरमा १५१ जनाको शल्यक्रिया गरिएको कोरिया नेपाल मैत्री अस्पतालका निर्देशक डा डिके रोशनले आज सञ्चारकर्मीलाई जानकारी दिए।
शिविरमा शरीरका विभिन्न भागमा आगाले पोलेको, खुँडे भएको, आँखा टाँसिएकोे, छ औँला भएको, ढाडमा मासु पलाएको, पुराना घाउ रहेको, जलेको आदि र घाउ लगायत विभिन्न अङ्गको निःशुल्क शल्यक्रिया गरिएको थियो ।
रोज क्लवका डा मु ह्युन पेलका नेतृत्वमा सात शल्यचिकित्सक सहित २५ जनाको टोलीले चार दिनका अवधिमा शिविरमा आएका सम्पूर्ण बिरामीको स्वास्थ्य जाँच तथा प्लास्टिक शल्यक्रिया गरेका थिए । प्लास्टिक सर्जरी गर्नका लागि आउनेको सङ्ख्या अत्यधिक रहेकाले यस पटक बाँकी भएकाको अर्को पटकको शिविरमा शल्यक्रिया गरिने अस्पतालका डा मजेशप्रताप मल्लले जानकारी दिए। रासस
