बेल्जियम फ्रान्समा जारी युरोकप फुटबलको अन्तिम १६ मा पुगेको छ। गएराति नाइसमा भएको समूह चरणको अन्तिम खेलमा स्वीडेनलाई १–० ले हराउँदै बेल्जियमले समूह इको उपविजेता बनेर नकआउट चरणमा स्थान पक्का गरेको हो।
बेल्जियमको जितमा राजा नाइनगोलानले ८४ औं मिनेटमा गोल गरेका थिए।
बेल्जियमसँग पराजित स्वीडेन समूह चरणबाटै बाहिरिएको छ। बेल्जियमले अब अन्तिम १६ मा समूह एफको विजेता हंगेरीसँग खेल्नेछ। अघिल्ला खेलमा इटालीसँग २–० ले पराजित भएको बेल्जियमले रिपब्लिक अफ आयरल्याण्डलाई ३–० ले हराएको थियो।
