बागलुङमा मलामी बोकेको जिप दुर्घटना हुँदा एकजनाको मृत्यु भएको छ। दुुर्घटनामा अन्य १६ जना घाइते भएका छन्।
बागलुङ सदरमुकामबाट सिगानातर्फ जाँदै गरेको ध १ ज ६८ नम्बरको जिप बागलुङ नगरपालिका–५ सलेदिखोला नजिकै गएराति ८ बजेतिर दुर्घटनामा परेको थियो।
दुर्घटनामा परि सिगाना–८ की २५ वर्षीया सुनिता नेपालीको ज्यान गएको जिल्ला प्रहरी कार्यालय बागलुङका प्रहरी नायव उपरीक्षक अनिल खड्काले जानकारी दिए।
आफन्तको अन्येष्टिका लागि मलामी गएर घर फर्कने क्रममा जिप दुर्घटना भएको बताइएको छ।
दुर्घटनामा परि घाइते भएका मध्ये चारजनाको स्थिति गम्भीर रहेको र उनीहरुको थप उपचारका लागि पोखरा रेफर गरिएको प्रहरीले जनाएको छ।
घटनाबारे अनुसन्धान भइरहेको प्रहरीले जनाएको छ।
