अस्ट्रेलियाले टि–२० क्रिकेटमा सर्वाधिक रन बनाउने विश्व कीर्तिमान बनाएको छ। घरेलु श्रीलंकाविरूद्ध उसैको मैदानमा भइरहेको टि–२० खेलमा ३ विकेट गुमाएर अस्ट्रेलियाले २ सय ६३ रनको विशाल योगफल तयार पारेको हो।
टि–२० अन्तर्राष्ट्रिय खेलमा यसअघि सर्वाधिक रन बनाउने कीर्तिमान श्रीलंकाको नाममा थियो। सन् २००७ मा श्रीलंकाले केन्याविरूद्ध सर्वाधिक २ सय ६० रन बनाएको थियो। अस्ट्रेलियाका अलराउन्डर ग्लेन म्याक्सवेलले ६५ बलमा अविजित १ सय ४५ रन बनाएपछि अस्ट्रेलिया विशाल योगफलतर्फ लम्किएको थियो।
इङ्ल्यान्डले एकदिवसीय क्रिकेटमा कीर्तिमानी ४ सय ४४ रन बनाएको ८ दिनपछि अस्ट्रेलियाले पनि नयाँ कीर्तिमान कायम गरेको हो।
