बागलुङको पश्चिम बोङगादोभान गाविसमा माथिबाट आएको पहिरोले घर बगाउँदा चार जनाको मृत्यु भएको छ।
बोङगादोभान गाविस ४ स्थित रिहालामा सोमबार बिहान माथिबाट आएको पहिरोमा पुरिदा एकै घरका चार जनाको ज्यान गएको हो।
मृत्यु हुनेमा ३८ वर्षीय भीमकुमारी रोका, १४ बर्षिय छोरी इन्द्रकुमार रोका, १२ वर्षीय छोरा इन्द्रजित रोका र ९ वर्षीय छोरी मायादेवी रोका रहेको जिल्ला प्रहरी कार्यालय बागलुङका प्रहरी नायव उपरीक्षक अनिलकुमार खडकाले बताए।
पहिरोले घर पुर्णरुपमा नष्ट भएको खड्काले बताए। पहिरोले घर बगाउदा व्यवासायिक रुपमा पाल्दै आएका ३२ वटा कुखुरा समेत मरेको प्रहरीले जनाएको छ। घटनास्थलमा प्रहरीको टोली पुगेको छ । घटनास्थल सदरमुकामदेखि एक दिनको पश्चिम दूरीमा पर्दछ।
