अमेरिकी फुटबल खेलाडी कोलिन केपर्निकले अमेरिकामा अश्वेत नागरिकमाथि भइरहेको अत्याचारको विरोध गरेबापत आफूलाई मार्ने धम्की आइरहेको बताएका छन्। अश्वेतमाथि बढ्दो दमनका कारण अमेरिकी फुटबलमा बजेको राष्ट्रिय गीतको धुनमा सम्मान जनाउन उनी उठेका थिएनन्। यसैका कारण आफूले दिनहुँ धम्की पाइरहेको बताएका छन्।
सान फ्रान्सिस्को ४९इयर्सका क्वाटरब्याक कोलिनले अमेरिकी फुटबलअन्तर्गत हुने खेलमा कि आफ्नो एउटा घुँडा भूईमा झुकाएर दासको प्रतिकको रूपमा अझै अमेरिकाले अश्वेतमाथि विभेद गरिरहेको देखाउने गरेका छन्। कि राष्ट्रिय धु्न बजिरहेको बेला चुपचाप सिटमा बसेर विरोध जनाउदै आइरहेका छन्।
अमेरिकी प्रहरीले पछिल्लो समय सोझासाझा अश्वेतलाई अनाहकमा मारेको भन्दै ४० वर्षिय कोलिनले अभियानकै रूपमा खेल मैदानमा विरोध जनाउदै आइरहेका छन्।
उनले स्थानीय अश्वेत जातिको उत्थानका लागि १० महिनामा १० लाख अमेरिकी डलर दान गरिसकेका छन्।
