मंगलबारको संसद बैठकमा डाक्टर गोविन्द केसीका माग पुरा गर्नुपर्ने आवाज उठेको छ।
सत्तारूढ दल नेकपा माओवादी केन्द्रका सांसद अमनलाल मोदीले नवौं पटकसम्म अनशन बस्दा पनि केसीका मागलाई सम्बोधन नगरिनू दूर्भाग्य भएको बताए।
व्यवस्थापिका संसद बैठकमा बिशेष समय लिएर बोल्दै मोदीले केसीसँग किस्ताबन्दीमा सम्झौता गर्ने तर माग पुरा नगर्ने काम आपत्तिजनक भएको तर्क गरे। ‘हामी संसदमा लोकतन्त्र र मानवअधिकारका कुरा गरेर थाक्दैनौं तर, न्याय र निष्ठाका लागि लडेको एउटा चिकित्सकको माग पुरा नहुनु यो कस्तो लोकतन्त्र हो?’, मोदीले प्रश्न गरे।
गणतन्त्र आयो संविधान आयो तर पनि शान्तिपूर्ण गरिएको संघर्षलाई बेवास्ता गरिएको भन्दै उनले भने, ‘एउटा निष्ठावान व्यक्तिलाई अनशनमा छोडेर हामी कसरी दशैं मनाउन सक्छौ?’
