पाँचथरको फिदिमबाट झापा जाँदै गरेको जिल्ला विकास समितिको कार्यालय पाँचथरको गाडी इलामको नेपालटारमा दुर्घटना हुँदा पाँचथरका स्थानीय विकास अधिकारी कोमलप्रसाद धमलासहित ८ जना घाइते भएका छन्।
ब्रेक फेल भएर बिहान साढे नौ बजे गाडी पुवा खोला छेउ सडकबाट करिब १०० मिटर तल खस्दा स्थानीय विकास अधिकारी कोमलप्रसाद धमला, जिल्ला प्राविधिक कार्यालय पाँचथरकी लेखापाल कौशिला दाहाल, जिल्ला मालपोत कार्यालय पाँचथरका कर्मचारी विनोद ढुङ्गेल, जिविसका कार्यालय सहयोगी विजय कार्की र सवारी चालक वीरबहादुर तामाङका नावालक छोरा घाइते भएका हुन्। जिविस पाँचथरको मे १ ज ३७६ नम्बर गाडी पुवा खोला नजिक मिल गोलाई भन्ने स्थानमा सडकबाट झण्डै १०० मिटर तल झर्दा उनीहरु घाइते भएका हुन्।
स्थानीय विकास अधिकारी धमलाको हातमा चोट लागेको छ भने दाहालको खुट्टा तथा ढुङ्गेलको ढाड चोट गालेको जिल्ला प्रहरी कार्यालय पाँचथरका प्रहरी निरीक्षक रिपेन्द्रकुमार सिंहले जानकारी दिए। घाइतेहरुलाई उपचारका लागि जिल्ला अस्पताल इलाम पु¥याइएको छ।
