साथीको जन्मदिनमा पिकनिक गएका एक बालक नदिमा बेपत्ता भएका छन्। शुक्रबार साँझ ४ बजे करिब १२ जनाको समुहमा रहेका बालबालिकाहरू पिकनिकका लागि गुलरिया नगरपालिका ६ स्थित भादा(सरयू) नदि किनारमा गएका थिए।
नदिमा पौडी खेल्न क्रममा एक बालक बेपत्ता भएको जानकारी जिल्ला प्रहरी कार्यालय बर्दियाका प्रहरी नायव उपरिक्षक नेत्रमणि गिरीले बताए ।
नदिमा बेपत्ता बालक गुलरिया नगरपालिका ८ बस्ने अनिल चौधरीका १० बर्षिय छोरा आशिष चौधरी रहेको गिरीले बताए।
बेपत्ता बालकको नेपाल प्रहरी र सशस्त्र प्रहरीले टोलीले शुक्रबार रातिसम्म खोजि गर्दा पनि फेला नपारेकाले आज फेरि खोजि गरिने प्रहरीले जनाएको छ।
