एएफसी जितेर आएका फुटबल खेलाडीलाई प्रधानमन्त्रीले दिए बधाई (फोटोफिचर)

नारायण महर्जन

प्रधानमन्त्री पुष्पकमल दाहालले ६२ वर्षपछि एएफसीको आधिकारिक फुटबल प्रतियोगितामा उपाधि जितेको नेपाली फुटबल टोलीलाई प्रधानमन्त्री निवास बालुवाटारमा बधाई दिएका छन्।

सन् १९५४ मा एसियाली फुटबलको सदस्यता पाएपछि नेपालले गत मंगलबार मलेसियाको कोचिङमा सम्पन्न एएफसी सोलिडारिटी कपको उपाधि जितेको थियो। प्रधानमन्त्री निवासमा खेलाडीहरूलाई सम्मान गर्दै दाहालले सोलिडारिटी कपको विजयले आम नेपालीमाझ उत्साह थपेकोमा बधाई दिए।

‘नयाँ राजनीतिक परिर्वतनका माझ विकासको सम्भाब्यता मापन र राष्ट्रको परिचयसँग खेलकुद अभिन्न अंगको रुपमा रहेको छ,’ प्रधानमन्त्री दाहालले भने। भूकम्पबाट क्षतिग्रस्त रंगशाला पूनर्निर्माणको काम अघि बढिसकेको भन्दै दाहालले बृहत रंगशाला निर्माणका लागि छिट्टै काम अघि बढाउने आश्वासन दिए। आफूले खेलकुदको विकास र प्रवद्र्धनमा नयाँ योजना थाल्ने पनि प्रधानमन्त्रीले आश्वासन दिए।

ccccccccccccccc

प्रकाशित मिति: 2016-11-17 17:28:51

प्रतिक्रिया दिनुहोस्