रियल म्याड्रिडका डिफेन्डर डानी कार्भाजल बार्सिलोनाका समर्थकहरूलाई उकासेको आरोपमा निलम्बित हुन सक्ने सम्भावना बढेर गएको छ।
शनिबार ‘अल क्लासिको’ अन्तर्गत बार्सिलोनालाई उसैको मैदानमा बराबरीमा रोकेको खेलमा कार्भाजलले दर्शकदीर्घातर्फ ‘माझी औंला’ देखाएका थिए। म्याड्रिडले अन्तिम मिनेटमा आफ्नो कप्तान सर्जियो रामोसले बराबरी गोल हानेपछि बार्सिलोनाका दर्शकहरूलाई ‘माझी औंला’ देखाएका थिए।
उनको यो व्यवहारलाई लिएर अनुसन्धान भइरहेको छ। तर, कार्भाजलले आइतबार ट्विटरमार्फत आफ्नो गल्तीप्रति क्षमायातना मागेका छन्। उनले ट्विटरमा आफ्नो मानमर्दन गरिरहेका केही घरेलु समर्थकलाई उत्तर दिन मात्र आफूले ‘माझी औंला’ देखाएको बाँकी समर्थकको तर्फ लक्षित नरहेको बताएका छन्।
स्पेनिस फुटबल संघले गत अक्टुवरमा भेलेन्सियाविरूद्ध ३–२ ले विजयी खेलमा बार्सिलोनाका स्टार स्ट्राइकर नेइमारले यस्तै व्यवहार गर्दा चेतावनी दिएको थियो।
