सप्तरीको भारदह गाविस–३ मा बिहीबार साँझ आगलागी हुँदा १७ लाख भन्दा बढीको क्षति भएको छ।
स्थानीय कपलेश्वर माझीको गाईगोठबाट अचानक सल्केको आगोले निजको एउटा घर तथा छिमेकी गजेन्द्र माझीको गाईगोठ गरी दुईवटा घर जलेर नष्ट भएको इलाका प्रहरी कार्यालय भारदहले जनाएको छ।
आगलागी कुन कारणले भएको खुल्न नसकेको बताइएको छ।
आगलागीबाट गाई गोठभित्र रहेको एक थान ट्र्याक्टर, एक थान थ्रेसर र तथा एक थान साइकल, अन्नपात, भाँडावर्तनसहित नगद जिन्सी गरी १७ लाख बरावरको क्षति भएको प्रहरीले जनाएको छ । आगोलाई स्थानियवासी र प्रहरीले नियन्त्रणमा लिएका थिए । रासस
