चितवन प्रहरीले करिब एक क्वीन्टल चरेश सहित दुई जनालाई पक्राउ गरेको छ।
नारायणगढ–मुग्लिन सडक खण्ड अन्तरगत कविलास–१ जुगेडीमा चेकजाँचका क्रममा सोमबार जेएच ०४ बी ०४४५ भारतीय नम्बरको टाटा सुमोमा लुकाई छिपाई ल्याएको ९९ किलोग्राम चरेशसहित भारत कठियामठियाका सुधन साह र रक्सौलका आदित्य साहलाई नियन्त्रणमा लिइएको प्रहरीले जानकारी दिएको छ।
प्रहरीले जाँचका क्रमा गाडीको अगाडिको डिक्कीमा फल्स बटम बनाई लुकाएको अवस्थामा १०६ पोका, गाडीको पछाडि दायाँ साईडको चक्कामाथि फल्स बटम बनाई लुकाएर राखेको ३९ पोका र बायाँ साईडको चक्कामाथि फल्स बटम बनाई राखेको ५३ पोका चरेशहित दुई जनालाई नियन्त्रणमा लिएको जिल्ला प्रहरी कार्यालय चितवनका प्रहरी उपरीक्षक दीपक थापाले जानकारी दिए।
पक्राउ परेका दुवैलाई लागूऔषध नियन्त्रण ऐन २०३३ अन्तरगत जिल्ला अदालत चितवनमा मुद्दा दायर गरी कानुनी प्रक्रिया अघि बढाईएको प्रहरीले जनाएको छ।
