करिब ६० मिनेट १० खेलाडीमा सिमिति भएर खेलेको टर्कीस क्लब बेसिकटासलाई रोक्न नसक्दा ग्रीस क्लब ओलम्पियाकोसले दोस्रो लेगको खेल पनि ४–१ ले गुमाउनु परेको छ। युरोपा लिगअन्तर्गत विहिबार राती भएको अन्तिम १६ को खेलमा बेसिकटासले समग्रमा ५–२ को अग्रता बनाउदै क्वाटरफाइनलको यात्रा तय गर्यो।
२०१० पछि युरोपेली प्रतियोगितामा २ गोल गरेका रायन बाबेलको उत्कृष्ट प्रदर्शनमा टर्कीस क्लबले गर्विलो प्रदर्शन गर्यो। ३९ मिनेटमा रातो कार्ड पाएर मैदान बाहिरिनु अघि भिन्सेन्ट अबुबाकरले १० मिनेटमा घरेलु टोलीलाई अग्रता दिलाएका थिए। क्यामरुनका स्ट्राइकर अबुबाकरको यो सिजन ८ युरोपेली खेलमा पाँचौ गोल थियो। बाबेलले २२ मिनेटमा अग्रतालाई दोहोरो बनाए।
ओलम्पियाकोसका लागि ३७ मिनेटमा तारिक इलिउनोउसीले गोल फर्काउदै ग्रिस क्लबलाई खेलमा फर्काउने असफल प्रयास गरे। पहिलो हाफमै २–१ को अग्रता बनाएको टर्कीस क्लबले ७५ मिनेटमा बाबेरको दोस्रो तथा ८४ मिनेटमा सेन्क टोसुनको गोलका कारण सहज जित दर्ता गरायो।
ग्रिसमा भएको पहिलो लेगको खेल १–१ गोलको बराबरीमा टुँगिएको थियो।
