रेनशा राई राना निर्देशित फिल्म 'ज्याकीः आई एम ट्वान्टी वान' को ट्रेलर सार्वजनिक भएको छ।
नयाँ वर्षको अवसर पारेर फिल्मको ट्रेलर सार्वजनिक गरिएको हो। सार्वजनिक ट्रेलरमा धिरज मगर आफ्नो डान्सर बन्ने सपना र बुवाको लाहुरे बनाउने सपनाबीचको अन्तरद्वन्द्वमा देखिएका छन्।
फिल्ममा बाबु र आफ्नो सपना फरक हुँदा एक युवकले डान्सर बन्न गरेको संघर्षलाई देखाइने छ।
प्रभु शमशेर जबरा र प्रज्ज्वल शमशेर जबराको निर्माणमा तयार भएको फिल्ममा धिरजसँगै जसिता गुरुङ, अरुण क्षेत्री, प्रेम सुब्बा, लुनिभा तुलाधर, पल्पसा डंगोल, राजु भुजु, सुजता राई, सुर्यमान लिम्बु, विकाश जोशी, प्रदीप लामा, सुशान्त गौतमलगायत कलाकारको अभिनय छ।
आईकोर फिल्म्स ब्यानरमा निर्माण भएको फिल्ममा रोहित शाक्य र कालिप्रसाद बाँस्कोटाको संगीत, सुशन प्रजापतिको छायांकन, द वाइल्ड रिपर्ज क्रुको कोरियोग्राफी छ।
सुशान प्रजापतिले छायांकन गरेको फिल्मलाई निमेश श्रेष्ठले सम्पादन गरेका छन्।
यो फिल्म वैशाख २१ गतेदेखि प्रदर्शन हुँदैछ।
