शोभित बस्नेत प्रस्तुतकर्ता रहेको फिल्म 'जय हो' को छायांकन सकिएको छ।
मुक्तिनाथमा अन्तिम सट खिच्दै ३० दिनमा सम्पुर्ण छायांकन सकिएको हो। कास्की र मुस्ताङको विभिन्न स्थानमा फिल्मको छायांकन गरिएको थियो।
टेक पौरखी राई निर्देशित फिल्ममा अर्पण थापा, सलोन बस्नेत, केकी अधिकारी, निशा अधिकारी, माओत्से गुरुङ, प्रेम पाण्डे, दिपा शाक्य श्रेष्ठ, सुबि मगर, सुमिन गुरुङ, सुशान्त श्रेष्ठलगायत कलाकारको अभिनय छ।
सुरेश न्यौपानेको कथा लेखन रहेको फिल्ममा सम्राट बस्नेतको द्वन्द्व निर्देशन, कविराज गहतराज र रामजी लमिछानेको कोरियोग्राफी, समीर मियाँको भिएफएक्स रहेको छ।
सलोन सलिना फिल्म्सको ब्यानरको फिल्मको निर्माता राज के अधिकारी र सुरज सरकार छन्। सौरभ लामाले छायांकन गरेको फिल्मलाई बनिश शाहले सम्पादन गर्नेछन्।
कमेडी, एक्सन र लभस्टोरी फिल्म आगामी भदौ ८ गतेदेखि प्रदर्शन हुनेछ।
