आज शुक्रबार नेपाली फिल्म हलमा दुई विदेशी फिल्म प्रदर्शनमा आएका छन्। बलिउड फिल्म 'किसीका भाइ किसीकी जान' र हलिउड फिल्म 'इभिल डेथ राइज' प्रदर्शन आएका हुन्।
फरहाद सम्जीले निर्देशन गरेको फिल्म ‘किसीका भाइ किसीकी जान’ मा सलमान खान, पूजा हेगडे, दग्गुबती वेंटकेश, राघव जुयाल, शहनाज गिल, पलक तिवारी, जस्सी गिल, सिद्धार्थ निगमलगायत कलाकारको अभिनय छ। फिल्मको कथा सलमानले तयार पारेका हुन्।
फिल्म निर्माणमा सलमान खान फिल्म्स ब्यानरले जिस्टुडियोसँग सहकार्य गरेको छ।
हलिउड फिल्म ‘इभिल डेथ राइज’ मा एलिसा सदरल्याण्ड, लिली सुलिवान, नेल फिशर, मोर्गन डेभिसलगायत कलाकारको अभिनय छ।
हरर जनराको फिल्ममा ली क्रोनिनको लेखन र निर्देशन रहेको रहेको छ।
मल्टिप्लेक्स हलहरूमा यी दुई विदेशी फिल्मले भन्दा गतसाता प्रदर्शनमा आएको फिल्म ‘जारी’ ले बढी शो पाएको छ।
