दयाहाङ राई र मिरूना मगरको मुख्य भूमिका रहेको फिल्म 'घरज्वाइँ' यही शुक्रबारदेखि प्रदर्शनमा आउँदैछ।
केही मल्टिप्लेक्स हलहरूले बुधबारदेखि फिल्मको अग्रिम टिकट बुकिङ खुला गरेका छन्।
जसअन्तर्गत क्युएफएक्सनले पहिलो दिनका लागि यो फिल्मलाई उत्साहजनक शो दिएको छ। क्युएफएक्समा फिल्मले ५७ पाएको हो। जसमा काठमाडौंमा २० र बाहिर ३७ शो उपलब्ध छ।
आईएनआई सिनेमाले आफ्ना ३ आउटलेटमा १३ शो दिएको छ। एफक्युब सिनेमाजले ६ शो दिएको छ।
बिग मुभिज, वान सिनेमाजले बुधबार दिउँसोसम्म बुकिङ खुलाइसकेका छैनन्।
अनिल बुढा मगरको लेखन तथा निर्देशनमा मगर संस्कार र संस्कृतिको कथामा यो फिल्म बनेको हो। यसमा दयाहाङ र मिरूनासहित बुद्दि तामाङ, शिशिर वाङदेल, कविता आले, राज थापा, पुष्कर गुरूङ लगायत कलाकारको अभिनय छ।
फिल्मको निर्माता जनक घर्ती मगर हुन्।
शुक्रबारदेखि फिल्म नेपालसहित विदेशमा पनि एकसाथ रिलिज हुन लागेको हो।
