फिल्म 'खुस्मा' को पहिलो गीत सार्वजनिक गरिएको छ।
मंगलबार सार्वजनिक 'खुसीका फूल बटुलेर' गीतमा एसडी योगी र विज्ञानी पराजुलीको युगल स्वर छ।
एसडीकै संगीत रहेको यो प्रेमिल गीतलाई राम अविरल विष्टले लेखेका हुन्।
भिडिओमा फिल्मका शीर्ष कलाकार अभिनेता धिरज मगर र अभिनेत्री उपसना सिंह ठकुरीको मिठासपूर्ण प्रेमभाव देखाइएको छ।
पूर्वी रुकुमका सुन्दर दृश्यहरु कैद गरिएको भिडिओलाई सुरेन्द्र राईले कोरियोग्राफी गरेका हुन्।
'खुस्मा' लाई अशोक थापामगरले लेखन तथा निर्देशन गरेका हुन्।
फिल्ममा धिरज र उपासनाका साथमा माओत्से गुरूङ, खड्क बहादुर पुन (खबपु), सुजाता राई, विजय सुब्बा, राज थापा काउचा, अस्तित्व भट्टचन, संगीता थापा मगर, अरूण मगर, सारा राई, श्वेता मिश्र, विवेश मगरलगायत कलाकारको अभिनय छ।
निर्मातामा विर बहादुर लामा, चन्द्र बहादुर भट्टचन र बेतान मगर छन्।
फिल्म संविधान दिवसको अवसर पारेर असोज ३ गतेदेखि प्रदर्शनमा आउनेछ।
भिडिओः
