साउन १८ गतेदेखि प्रदर्शनमा आउने फिल्म 'मोदीबेनी' को ट्रेलर सार्वजनिक गरिएको छ।
बिहीबार काठमाडौंमा आयोजित कार्यक्रमकाबीच सार्वजनिक ट्रेलरले फिल्मको कथावस्तुबारे संकेत गर्छ।
अभिनेत्री वर्षा शिवाकोटी र नव–अभिनेता अमरप्रताप श्रेष्ठबीच अंकुराएको प्रेम, प्रेममा आउने अवरोधलाई ट्रेलरमा देखाइएको छ।
प्रेममा अवरोध हुँदा उत्पन्न परिस्थितिको कथा फिल्मले प्रस्तुत गर्ने अनुमान गर्न सकिन्छ।
प्रविण खतिवडा, सरोज खनाल, रेजिना उप्रेती, जीवन भट्टराई, कमलमणि नेपाल, दिलिप केसी लगायतका कलाकारहरू पनि ट्रेलरमा प्रस्तुत छन्।
शाहिल खानले तयार पारेको ट्रेलरमा प्रेम, रोमान्स, एक्सन, वेदना तथा पारिवारिक कथा सबै समेटिएको छ।
शंकर कोइरालाको निर्देशनमा बनेको फिल्ममा स्नेहा भट्टराई, हिउँवाला गौतम, सुब्रतराज आचार्य, रोजी श्रेष्ठ, शेरबहादुर बराल, लविस गर्ताैला, गोविन्द सुनार, विनोद श्रेष्ठ, अनामिका लामिछाने, सरोज अर्याल लगायतले पनि अभिनय गरेका छन्।
फिल्मलाई आनन्द विक्रम क्षेत्रीले लेखेका हुन्। सत्य तर अविश्वसनीय कथामा फिल्म बनेको निर्माण पक्षले जनाएको छ।
फिल्मलाई दर्शकले रूचाउने विश्वास टिमको छ।
ट्रेलर:
