निर्देशक सौरभ चौधरीले नयाँ फिल्म 'कर्मा' निर्देशनको घोषणा गरेका छन्।
बिहीबार थिम पोस्टर सार्वजनिक गर्दै यो फिल्म निर्माणको घोषणा गरिएको हो।
सार्वजनिक थिम पोस्टर हेर्दा युद्ध लड्न हिँडेका सिपाहीलाई देख्न सकिन्छ। एक्सन जनरामा निर्माण हुने फिल्मको कथा पनि निर्देशक चौधरी स्वयंमले लेखेका हुन्।
निर्देशक चौधरीको यो तेस्रो प्रोजेक्ट हो। तीन वर्षअघि उनी निर्देशित 'लभ डायरिज' रिलिज भएको थियो। गतवर्ष फागुनमा प्रदर्शनमा आएको फिल्म 'अगस्त्य: च्याप्टर–१' बाट उनले तारिफ पाएका थिए।
फिल्मको टाइटल घोषणासँगै निर्देशक चौधरीले फिल्मको स्क्रिप्ट बलियो रहेको बताए।
उनले तोकिएको बजेटभित्र उत्कृष्ट काम निकाल्ने प्रयास रहने बताए।
'यो फिल्म एक्सन मात्रै होइन। एक्सन फिल्मको हिस्सा हो। तर फिल्मको बलियो पक्ष भनेको यसको स्क्रिप्ट हो। यसको पटकथा कँसिलो छ,' उनले भने।
आर्टिस्टिक इनटरटेनमेन्टको प्रस्तुति रहने फिल्ममा बसन्त लम्सालको लगानी रहनेछ।
आफूहरू कलाकार अनुबन्ध गर्ने क्रममा रहेको निर्देशक चौधरीले बताए।
