मीनबहादुर भाम निर्देशित फिल्म 'शाम्बाला' को प्रदर्शन मिति घोषणा गरिएको छ।
शुक्रबार ललितपुरमा एक कार्यक्रम राख्दै फिल्मको प्रदर्शन मिति घोषणा गरिएको हो। यो फिल्म भदौ २८ गतेदेखि प्रदर्शन हुनेछ।
फिल्ममा हिमाली भेगकी गर्भवती महिलाले ल्हास्सामा हराएको श्रीमान खोज्दाको कथा समेटिएको छ। फिल्ममा थिन्ले ल्हामो, सोनम तोप्देन, तेन्जिन दाल्हा, कर्मा शाक्य, लोटेन नम्लिङलगायत कलाकारको अभिनय छ।
नेपाली र टिबेटियन भाषामा बनेको फिल्म डोल्पाको ४२ सयदेखि ६ हजारको उचाइमा खिचिएको हो। फिल्मको कथा निर्देशक मीन र अविनाश विक्रम शाहले लेखेका हुन्।
यो फिल्मको बजेट ९ लाख ८० हजार युरो रहेको छ। यो फिल्म बर्लिन अन्तर्राष्ट्रिय फिल्म फेस्टिभलको मुख्य विधामा छनोट भएको थियो।
![shambala-1721997781.jpg](https://www.setopati.com/uploads/posts/shambala-1721997781.jpg)